Welche Stückl ma spuiln


Kasperl und Sepperl zu de Stückl für Kinda

zu de Weihnachtsstückl für Kinda

Faust und Mephisto zu de Stückl für Erwachsene

Screenshot Videoseite zu unsara Seitn mit Videos

 

Stückl für Kinda

Des san unserne Stückl fia Kinda ab 4 Jahr. Kleanane derfa a kemma, solltn aba eahnane Eltern oda andane Erwachsne dabei hobm. Und üba Grouße, de gern ins Kasperltheater genga, gfrein ma uns a. A jeds Stückl dauat so um de 30 Minutn. 

Kasperl und Sepperl

Kasperl und da Sonntagsbratn / da Geburtstagskuacha / de Bratwürscht

Je nach Anlass kennan da Großmuatta a Bratn, a Kuacha oder Bratwürscht abhandn kemma. Was is da passiert? Hat des Krokodui was damit z toa, des aus m Tierpark ausbrocha is?

Kasperl und des Kuchnmonsta

Da erschafft da Deife a Kuchnmonsta, um an da Großmuatta ihrn Guglhupf z glanga. Aber des laaft net ganz so, ois wia er si das vorgstellt hat ...
Zum Video mit m Liadl vom Kuchnmonsta

Kasperl und da bäse Deife

Da legt sich de Großmuatta mit m Deife o. Des hat fatale Folgn. Guat, dass den Kasperl gibt...

Kasperl und da dumme Räuba

Da kapiert da Räuba net, was da Deife für a bäs Spui mit eahm treibt. Denn dem gehts wieda amoi bloß um da Großmuatta ihrn Guglhupf und er nutzt an Räuba sei Guatglaibigkeit aus, um den z kriegn.

Kasperl und da scheene Prinz

De Prinzessin hat si in an Prinzn verliebt, den de Hex in a Fliagn vawandlt hat. Doch da Prinzessin glingt s net, den Prinzn dauerhaft zrückzuvawandln. Da dafia braucht s d Huilf vom Kasperl.

Kasperl und da Hexntrank

Da huift de Hex beim König in da Küch aus und auf oimal macht der König nur no, was de Hex wui. Kenna da Kasperl und Sepperl da helfa?

Kasperl und da Mann im Mond

Da Mann im Mond kimmt mit seina Raketn z Bsuach auf d Erdn zu seim Freind, dem Zaubara. Doch de Hex hat de unbeaufsichtigte Raketn entdeckt und wia imma Bäses im Sinn. Schafft s da Mann im Mond, wieda heil zrück auf den Mond zu kemma?

Kasperl und da Mäusezauba

D Hex wui an Kasperl und an Sepperl in Mäus vawandln. Doch da dabei geht was schiaf und de zwoa Freind ham a Problem, a wenns koane Mäus net san.

Kasperl und da Hexndampf

De bese Hex hat was gega des Kasperltheata und macht den Kasperl mit ihram Hexndampf krank, damit a nimma auftretn konn. Guat, dass da Kasperl an Freund hat. Er schickt, selba krank im Bett, den Sepperl um Huilf los, um des Kasperltheata zum rettn.
(a Video, des währnd am Corona-Lockdown im Frühjahr 2020 entstandn is)

Kasperl und de Flaschnpost

Da hat de Hex de Prinzessin entführt und in an Turm gsperrt. Kasperl und Sepperl solln s mitm Wassermann zsamm befrein.

Kasperl und des Zauberbuach

Da helfa da Kasperl und da Sepperl am Zauberer, sei Zauberbuach wiedazfindn. Wo des woi hikemma is? Oder hats gar jemand klaut?

Kasperl und des Schlossgschpenst

Da konn da König auf oamal nimma schlaffa und woaß net warum. Dafür gibts auf oamal bei da Großmuatta jemand, der gar net gut auf den König und de Prinzessin z sprecha is. Ob des was mitanda z toa hat?

Kasperl und de drei Wünsch

Da macht da Sepperl an ganz an blädn Fehla und wünscht si des Foilsche ... Hoffentlich kann eahm da Kasperl da helfa.

Kasperl und Sepperl auf Schatzsuche

Da woilln da Kasperl und da Sepperl in ana Vollmondnacht an Schatz findn, was si ois gar net so einfach rausstellt ...

Kasperl und de Weißwürscht

Da kummt da König auf Bsuach zur Großmuatta. Und kurz bevor a okimmt, passiert am Sepperl was ganz Bläds.

Kasperl und des Schlangenoa

Dem Osterhasn wird a Korb mit Osteroa gklaut. Wer war des? Hat vielleicht des riesige Schlangenoa was damit z toa, des de Hex erschaffa hat? Da muas wieda amoi da Kasperl helfa ...

 

Unsane Weihnachtsstückl

Kasperltheater mit Figuren 

De Stückl fia Kinda passn in d Advents- und Weihnachtszeit:

Kasperl und da Krampus

Da wird a Möglichkeit vorgstellt, wia da Nikolaus zu seim Begleita, am Krampus, kemma sei kannt.

Kasperl und da verhexte Wunschzettl

Da stehna ganz varruckte Sachan auf de Wunschzettl vom Kasperl und vom Sepperl. Wer steckt da dahinta und wia lasst si des wieda in Ordnung bringa?

Kasperl und da Stern von Bethlehem

Da miassn da Kasperl und da Sepperl de Weihnachtsgschicht rettn. Denn da Stern von Bethlehem is vom Himmel abagfalln und oana vo de Drei König hat si deswegn valaffa.

Kasperl und da Adventskranz

Da vaschwindt da Adventskranz, den de Großmuatta selba gmacht hat. Aber Advent ohne Adventskranz, des geht ja gar net! Also miassn da Kasperl und sei Freund, da Sepperl, helfa!

Kasperl und des Krippenspui

Da hat des Krokodui a fast unlösbars Problem. Denn es wui unbedingt beim Krippenspui mitmacha. Ob des guatgeh konn?

Kasperl und de Weihnachtsplatzerl / de Weihnachtsgans

Da kimmt da Großmuatta des Weihnachtsgebäck oder de Weihnachtsgans abhandn.Was is da passiert? Hat des Krokodui was damit z toa, des aus m Tierpark ausbrocha is?
 

Stückl für Erwachsene

Kasperltheater mit Figuren 

Das Spiel vom Dr. Faust - oder: Das Böse sitzt auf einem Baum

Faust im Hier und Jetz, a Puppenspui frei nach oide Puppenspui vor Goethe (Simrock, Ulmer Puppenspiel) und am Goethe seim Urfaust, Aufführungsdauer 75 Minutn, geeignet ab 12 Jahr. Beim Bayerischen Amateurtheaterpreis Larifari 2018/2019 ham ma mit dera Inszenierung in da Kategorie Firgurentheater an 2. Preis gwunna!
Mehr zu dem Stückl und de nächstn Aufführungstermine unta Faust-Puppenspui für Erwachsne.