Schriftzugfeld

Griaß eich, mitanand!

I bin da Kasperl und i hab mei eigns Spuikastl.
Des mecht i eich vorstelln und ois, was dazuaghört.

Für alle, die mei boarische Muattasprach net verstehna, gibts a a schriftdeitsche Fassung vo dera Seitn. Dafia hab i mi so richtig ogstrengt. Denn normalerweis red und schreib i so, ois wia mia da Schnabe gwachsn is.   » zur schriftdeutschen Fassung dieser Seite  deutsche Flagge

AKTUELLES

Kasperls Spuikastl: die HexeAm 10. Aprui is wieda losganga mit unsane öffentlichn Auftritt in dem Jahr! Was wo in nächsta Zeit plant is, findts unta Termine

Wia im Frühjahr 2020 wochenlang gar koane Auftritt möglich warn, da hamma des neie Stückl "Kasperl und da Hexndampf", in dem de Hex an Kasperl krank macht, ois Video eigspuit (> zu de Videos).

Kasperltheater-Festival im Markus Wasmeier Freilichtmuseum/

Kasperl im HeuJeds Jahr gibt's im Markus Wasmeier Freilichtmuseum am Schliersee a Kasperltheater-Festival. Initiiert hat des Kasperls Spuikastl und hat seit 2016 a imma de künstlerische Leitung. 

Wenn eich intressiert, was da so passiert und was da zum sehgn gibt und gebn hat, dann kennts da mehr erfahrn.

Plakatmotiv Humorfestival 2022  Kasperltheaterfest beim Humorfestival in Bernried

Seit 2021 veranstalt des Forum für Humor und komische Kunst im Somma in Bernried a Humorfestival. In dem Rahma hat 2022 zum erstn Moi a Kasperltheaterfest stattgfundn. Kasperls Spuikastl hat dadavo de künstlerische Leitung ghabt.

Da kennst mehr dazua erfahrn.

Preis gwunna

Faust und MephistoMit dem Stückl "Das Spiel vom Dr. Faust - oder: Das Böse sitzt auf einem Baum" ham ma uns sehr erfolgreich am Faust-Festival München 2018 beteiligt. Beim Bayerischn Amateurtheaterpreis Larifari 2018/2019 ham ma mit dera Inszenierung fia Erwachsne und Jugendliche in da Kategorie Figurntheata an 2. Preis gewunna! ...mehra dazua